არჩევნების დღეს ცესკოში ხმის დათვლის პროცესი პირდაპირი ტრანსლაცით გადმოიცემა - ამის შესახებ ჟურნალისტებს ცესკოს თავმჯდომარე თამარ ჟვანიამ განუცხადა.
მისივე განმარტებით, ამის მიზანია, საზოგადოებამ დაინახოს, რომ ცესკო ხმებს ობიექტურად ითვლის.
„მნიშვნელოვანი სიახლე, რომელსაც ცესკო საზოგადოებას პირველად შესთავაზებს არის ის, რომ ცენტრალურ საარჩევნო კომისიაში ხმის დათვლის პროცესის ტრანსლაცია იქნება. ნებისმიერ დაინტერესებულ პირს შეეძლება ინტერნეტის საშუალებით, ონლაინრეჟიმში ცესკოს ოფიციალური ვებგვერდისა და სოციალური ქსელების მეშვეობით დააკვირდეს ხმის დათვლის პროცესს, გადაღების 360-გრადუსიანი ტექნოლოგიის გამოყენებით", - განაცხადა ჟვანიამ.
