NDI-ის კვლევის თანახმად, მაჟორიტარ კანდიდატთა სიაში „ყველაზე დიდ და პოპულარულ პარტიებს ყველაზე ცოტა ქალი კანდიდატები ჰყავს წარდგენილი".
ორგანიზაციის თანახმად, 10 პარტიის მაჯორიტარ კანდიდატთა საერთო რაოდენობის 83% მამაკაცი, 17% კი - ქალია.
რაც შეეხება პარტიული/ბლოკის სიის კანდიდატებს, 10 პარტიის მონაცემებით, კანდიდატთა საერთო რაოდენობიდან 63% მამაკაცი, ხოლო 37% ქალია.
„ამჟამად ქალები საქართველოს პარლამენტის წევრების მხოლოდ 12% შეადგენენ, რაც ევროპული ქვეყნების საშუალო მაჩვენებელზე - 25.8% - ნაკლებია. საქართველო ქალების პოლიტიკური მონაწილეობის მონაცემით მსოფლიოს 194 ქვეყნიდან 147-ე ადგილს იკავებს" - ნათქვამია NDI-ის განცხადებაში.