საერთაშორისო საგამოძიებო კომისიამ, რომელიც აღმოსავლეთ უკრაინაში 2014 წელს რეის MN17-ის ჩამოვარდნის საქმეს იძიებდა, სულ ცოტა ხნის წინ ანგარიში წარმოადგინა. გამოძიების შედეგების თანახმად, სამხედრო ტექნიკა Buk, რომლიდანაც გაისროლეს, უკრიანაში რუსეთიდან იყო შეტანილი. 

რეისი ჰოლანდიიდან კუალა ლუმპურის მიმართულებით სრულდებოდა. „ბოინგ 777“ რამდენიმე ნაწილად დაიშალა და ბორტზე მყოფი 298-ივე ადამიანი დაიღუპა. 

საერთაშორისო საგამოძიებო კომისია დაკომპლექტებულია გამომძიებლებისგან ნიდერლანდების, ავსტრალიის, ბელგიის, მალაიზიისა და უკრაინული მხარეების წარმომადგენლებისგან. მათი თქმით, ისინი რუსეთს ინციდენტთან კავშირში არ ადანაშაულებენ, თუმცა ამბობენ, რომ ტექნიკა უკრაინაში რუსეთიდან შევიდა. ამ აფეთქებასა და ტრანსპორტირებასთან კი 100-მდე ადამიანი იყო დაკავშირებული. რაც შეეხება რაკეტის გასროლის ადგილს, გამომძიებლების თქმით ეს სოფელ პერვომაისკის მიმდებარე ტერიტორიაა. 

გამომძიებლები ამბობენ, რომ კითხვა იმის შესახებ, თუ ვინ გასცა აფეთქების ბრძანება, კვლავ პასუხგაუცემელია და დამატებით გამოძიებას საჭიროებს.