გარემოს ეროვნული სააგენტოს ინფორმაციით, სააგენტოს სპეცილისტები ატმოსფერული ჰაერის, ნიადაგის, წყლის, ელ.მაგნიტური გამოსხივებისა და ხმაურის მონიტორინგს, ასევე მათ შესაბამისობას ზღვრულად დასაშვებ ნორმებთან უკვე მოძრავი ექსპრესლაბორატორიის საშუალებით განახორციელებენ.
სააგენტოში ამბობენ, რომ ექსპრესლაბორატორია აღჭურვილია უახლესი აპარატურით და ხელსაწყოებით.
„სააგენტოს სპეციალისტები თბილისის სხვადასხვა წერტილში გარემოს დაბინძურების კვლევებს ახალი ლაბორატორიის საშუალებით განახორციელებენ. სააგენტოს სპეციალისტები მთელი დღის განმავლობაში გადაადგილდებიან და სამუშაოებს თბილისის 50-მდე წერტილში აწარმოებენ. სპეციალისტების მიერ ჩატარებული ანალიზები და კვლევა საშუალებას მისცემს სააგენტოს, ზუსტი ინფორმაცია მიიღოს დაბინძურების მდგომარეობის შესახებ და მისი გამომწვევი მიზეზები განსაზღვროს", - აცხადებენ სააგენტოში.
ექსპრესლაბორატორიული კვლევა მომავალში რეგიონებსაც მოიცავს.
უახლოესი 5 დღის განრიგი:
28 სექტემბერი
• აეროპორტის დასახლება
• ისთ პოინტთან
•მეტრო სადგური 300 არაგველი
• მეტრო სადგურ „ვარკეთილთან“
• მოსკოვის გამზირი
29 სექტემბერი
• ფონიჭალის დასახლება
• მეტროს სადგურ „300 არაგველთან“
• მეტროს სადგურ „ავლაბართან“
• ორთაჭალის ავტოსადგური
• აბანოთუბანი
• ლეღვთახევი
30 სექტემბერი
• პარლამენტის შენობასთან
• 51-ე სკოლასთან
• კოსტავას ქუჩა
• ვაჟა-ფშაველას გამზირი
• გამსახურდიას გამზირი
• არაყიშვილის ქუჩა
• მდ.ვერე
1 ოქტომბერი
• ნუცუბიძის პლატო
• ვაშლიჯვარი
• დიდი დიღომი
• ავტოსადგურ „ოკრიბასთან“
• დიღმის მასივი
2 ოქტომბერი
• მეტროს სადგურ „მარჯანიშვილთან“
• მეტროს სადგურ „სადგურის მოედანთან“
• მეტროს სადგურ „ნაძალადევთან“
• მეტროს სადგურ „სარაჯიშვილთან“
• მეტროს სადგურ „ახმეტელთან“
• მდ.გლდანისხევი