„ერთიანი საქართველოს“ ლიდერი, გიორგი ვაშაძე ბლოკში რჩება. ამის შესახებ მან ჟურნალისტებთან ისაუბრა. მან ბრიფინგამდე შეხვედრა გამართა პაატა ბურჭულაძესთან.
„ჩემთვის ბევრი საკითხი მოულოდნელი იყო. მჭირდებოდა სხვადასხვა თემის გავლა, საუბარი ბლოკში სხვადასხვა საკითხთან დაკავშირებით. ჩემთვის ერთი რამ არის მთავარი - დღეს ვარ აქ, რადგან დარწმუნებული ვარ, რომ ეს არის აბსოლუტურად დამოუკიდებელი ძალა, რომელიც იბრძვის გამარჯვებისთვის.
ვფიქრობ, გუნდს, რომელიც შეკრულია ჩვენს გაერთიანებაში, კონკრეტული გეგმა, ხედვა და სტრატეგია აქვს, თუ როგორ განვითარდეს ქვეყანა. დღის განმავლობაში გვქონდა საუბარი ამ თემებზე და მივიღე გადაწყვეტილება ჩემს თანაგუნდელებთან ერთად, რომ ვაგრძელებთ ბრძოლას საარჩევნო ბლოკის სახით ამ არჩევნებში და ვაპირებთ, რომ ძალიან მაგარი შედეგი დავდოთ”, - აღნიშნა ვაშაძემ.
