„ერთიანი ნაციონალური მოძრაობა“ წინასაარჩევნო კამპანიას აქციით დაასრულებს. აქცია 5 ოქტომბერს, 16.00 საათზე, ვარდების რევოლუციის მოედანზე გაიმართება.
„ერთიანი ნაციონალური მოძრაობის“ წევრი ნიკა მელია ამბობს, რომ აქცია იქნება მრავალათასიანი და ის მოიცავს როგორც „ვარდების რევოლუციის“ მოედანს, ასევე რუსთაველსა და „თავისუფლების მოედანს“.
"ეს იქნება დასკვნითი კამპანიის შეხვედრა, სადაც უპრეცედენტოდ ხალხმრავალი აქცია გაიმართება, რომელსაც ბოლო წლების განმავლობაში ადგილი არ ჰქონია“, - განაცხადა ნიკა მელიამ.
„ნაციონალური მოძრაობა“ მხარდამჭერებს საქართველოს ყველა რეგიონიდან ეპატიჟება. აქციასთან დაკავშირებით თბილისის მერიას პარტია დღეს მიმართავს.