საქართველოს მთავრობის განკარგულებით, მართლმადიდებელ ეკლესიას უსასყიდლოდ გადაეცა საკუთრებაში მიწის ორი ნაკვეთი.
როგორც „ლიბერალთან“ საუბრისას ქონების ეროვნული სააგენტოში ამბობენ, 1000 კვ.მ მიწის ნაკვეთი ეკლესიას ხაშურში, თამარ მეფის N10 გადაეცა. მათი თქმით, აღნიშნული მიწის ნაკვეთი 12 მოციქულის სახელობის ეკლესიის მშენებლობისთვისაა გათვალისწინებული.
რაც შეეხება მეორე მიწის ნაკვეთს, სააგენტოში აცხადებენ, რომ ის 970 კვ.მ მიწის ნაკვეთი თბილისში, პოლიტკოვსკაიას N30 მდებარეობს და მისი დანიშნულება ასევე ეკლესიის მშენებლობაა.
შესაბამისი განკარგულებების პროექტი მთავრობამ დღევანდელ სხდომაზე დაამტკიცა.
მთავრობის განკარგულების პროექტი ასევე ეხებოდა მართლმადიდებელი ეკლესიისთვის მოძრავი ქონების
უსასყიდლოდ საკუთრებაში გადაცემას, თუმცა ქონების ეროვნულ სააგენტოში არ დააკონკრეტეს, რა სახის მოძრავ ქონებაზეა საუბარი.
