ყოფილმა პრემიერმა, ბიძინა ივანიშვილმა პაატა ბურჭულაძის ბრალდებებს, თითქოს ივანიშვილი „გირჩს“ აფინანსებდა, არასერიოზული უწოდა.
მისივე თქმით, ბურჭულაძემ პოლიტიკაში დიდი იუმორი შემოიტანა.
„ქართველები ნიჭიერი ხალხი ვართ, გინესის წიგნის წევრები გვყავს რამდენიც გინდა, იმდენი. მარგველაშვილიც გინესის წიგნში შევიდა, რომ მოვიდა მეორე დღესვე ხელისუფლებას დაუპირისპირდა. პაატა ბურჭულაძემაც მგონი მაგარი რეკორდები დაამყარა და პოლიტიკაში დიდი იუმორი შემოიტანა. მე არ მინახავს, ასე მოკლე დროში კაცმა თავი გაიფარჩაკოს. სერიოზულად მას ვერ ვუპასუხებ, მხოლოდ ღიმილით. მან ოდესღაც ჩემი მოწოდებები გაითვალისწინა... დადგა იქ და საოცრებები თქვა. ანეკდოტები დადის მასზე“.- განაცხადა ივანიშვილმა.