საქართველოს პრემიერ-მინისტრმა, გიორგი კვირიკაშვილმა, საბრძოლო მასალის აღმოჩენისათვის სამართალდამცველებს მადლობა გადაუხადა.
„ეს იყო კომპლექსური ოპერაცია, ძალიან წარმატებული. მინდა, მადლობა გადავუხადო შინაგან საქმეთა სამინისტროს და ყველას, ვინც მიიღო მონაწილეობა. იმიტომ, რომ მარტო ერთი უწყება არ იყო ჩართული”, - განაცხადა კვირიკაშვილმა
შსს-ს ინფორმაციით, შინაგან საქმეთა სამინისტრომ, სახელმწიფო უსაფრთხოების სამსახურსა და მთავარ პროკურატურასთან ერთად, საქართველოში სხვადასხვა ტერიტორიაზე საბრძოლო მასალისა და ცეცხლსასროლი იარაღის მარაგს მიაკვლია.
ნაპოვნია დიდი რაოდენობით ცეცხლსასროლი იარაღი, საბრძოლო მასალა, ფეთქებადი ნივთიერებები და ასაფეთქებელი მოწყობილობები.