შინაგან საქმეთა მინისტრის, გიორგი მღებრიშვილის განცხადებით, სამართალდამცველ უწყებებში ვერ მიაკვლიეს იმის დამადასტურებელ დოკუმენტს, რომ სხვადასხვა ტერიტორიიდან ამოღებული საბრძოლო მასალა წინა ხელისუფლების პერიოდში თავდაცვის მიზნით დამალეს.
„მსგავსი დოკუმენტი ვერც შსს-სა და ვერც თავდაცვის სამინისტროში ვერ მოიპოვეს”, – განუცხადა მღებრიშვილმა ჟურნალისტებს.
დღეს, შინაგან საქმეთა სამინისტროს განცხადებით, საქართველოს სხვადასხვა ტერიტორიაზე დიდი რაოდენობით ცეცხლსასროლ იარაღსა და საბრძოლო მასალას მიაკვლიეს.
„ერთიანი ნაციონალური მოძრაობის“ წევრმა, დავით დარჩიაშვილმა „ლიბერალს“ განუცხადა, რომ მსგავსი ტიპის ობიექტები საგარეო მტრისგან თავდაცვის გეგმის ნაწილი იყო.
