სულ ცოტა ხნის წინ პარიზში დასრულდა ევროსაბჭოს მოსამართლეთა არჩევის კომიტეტის სხდომა, რომელმაც საქართველოს მთავრობის მიერ წარდგენილი სამკაციანი სია არ დაამტკიცა, - ამის შესახებ „ერთიანი ნაციონალური მოძრაობის" წევრი გიორგი კანდელაკი facebook-ის საკუთარ გვერდზე წერს.
„ესეთი რამ ძალიან იშვიათად ხდება. ივანიშვილის მთავრობას მთელი ეს ვითომ ევროპულობის იმიტაცია თავზე დაემხო. მთავრობის შეცვლის შემდეგ ახალი მთავრობა ჩაატარებს ინკლუზიურ, სამართლიან კონკურსს და სტრასბურგის სასამართლოში ნამდვილად ღირსეულ კანდიდატებს წარადგენს", - წერს კანდელაკი.
საქართველოს მთავრობამ ადამიანის უფლებათა ევროპულ სასამართლოში საქართველოდან ასარჩევ მოსამართლედ ალექსანდრე ბარამიძის, ევა გოცირიძისა და გიორგი ბადაშვილის კანდიდატურები წარადგინა.