2016 წლის საპარლამენტო არჩევნების შედეგებით, ამ ეტაპისთვის, როცა ხმების 99.92%-ია დათვლილი, პროპორციული სიით პარლამენტში ორი პარტია შედის. „ქართულმა ოცნებამ" ხმების 48,6% მიიღო, „ერთიანმა ნაციონალურმა მოძრაობამ" – 27,14%.

პარლამენტი 150 დეპუტატისგან შედგება, მათგან 77-ს პროპორციული სისტემით ირჩევენ, ხოლო 73-ს – მაჟორიტარულით.

ამ ეტაპისთვის მიღებული ხმების მიხედვით, „ქართულ ოცნება", სავარაუდოდ, პარტიაში პროპორციული სიით 48 დეპუტატს შეიყვანს. „ერთიანი ნაციონალური მოძრაობა" – 29-ს შეიყვანს. 

რაც შეეხება მაჟორიტარული სიით არჩეულ დეპუტატებს. საქართველოში 73 მაჟორიტარული ოლქია. ამ ეტაპზე პირველი ეტაპზე მხოლოდ 22 მაჟორიტარულ ოლქში გამოვლინდა გამარჯვებული. შესაბამისად, 51 ოლქში გამარჯვებული მაჟორიტარის გამოსავლენად მეორე ტური გაიმართება. 22-ვე გამარჯვებული მაჟორიტარი „ქართული ოცნების" წევრია. შესაბამისად, ამ მომენტისთვის არსებული ინფორმაციით, „ქართულ ოცნებას" პარლამენტში როგორც პროპორციული, ისე მაჟორიტარული სისტემით 70 დეპუტატი შეჰყავს. 

შედეგები რეგიონებიდან მაჟორიტარულ ოლქებში

თბილისი

კახეთი

ქვემო ქართლი 

მცხეთა-მთიანეთი

გურია 

იმერეთი

სამეგრელო 

რაჭა-ლეჩხუმი-სვანეთი

სამცხე-ჯავახეთი

აჭარა 

შიდა ქართლი 

2016 წლის საპარლამენტო არჩევნებისთვის ამომრჩეველთა ერთიან სიაში 3 513 884 ადამიანია რეგისტრირებული. 2016 წლის საპარლამენტო არჩევნებში ამომრჩეველთა 51% მიიღო მონაწილეობა.