საერთაშორისო რესპუბლიკური ინსტიტუტის (IRI) პრეზიდენტ მარკ გრინის შეფასებით, 8 ოქტომბრის საპარლამენტო არჩევნები წინ გადადგმული ნაბიჯია, თუმცა „პრორუსული ძალების წარმატება განგაშის ზარია".

„პრორუსული პარტიის პარლამენტში მოსვლას ვხედავ, როგორც გამოწვევას დემოკრატიის მხარდამჭერებისთვის. ახლა პროტესტის და ერთმანეთისკენ თითის გაშვერის დრო არ არის. ახლა, დემოკრატიულმა ძალებმა უფრო ძლიერი იდეების წარმოჩენა და ამომრჩევლამდე მიტანა უნდა შეძლონ" - თქვა გრინმა „ამერიკის ხმასთან" საუბარში. 

მისი თქმით, პოლიტიკოსებმა, რომლებიც დასავლურ სწრაფვას ემხრობიან, დროა, ამომრჩეველს შეახსენონ, რატომ აირჩია საქართველომ ეს გზა. 

„ჩემთვის ამ არჩევნების ყველაზე მნიშვნელოვანი ნაწილი სწორედ ეს არის - ეს განგაშის ზარია, რომ უბრძოლველად არაფერი მოდის" - თქვა გრინმა VOA-სთან საუბარში.