მიხეილ ჭიაურელის „უკანასკნელ საათს“, ნუცა ღოღობერიძის „ბუბა“, ლეო ესაკიას „ჰოლტზე“ და „ამერიკანკა“ - ეს იმ ქართული ფილმების ჩამონათვალია, რომლიც საქართველოში რუსეთიდან პირველ ეტაპზე დაბრუნდება.
როგორც „ლიბერალთან“ საუბრისას პროექტის კურატორი ნანა დოლიძე ამბობს, ჩამოთვლილი ფილმები 1928-1930 წლებშია გადაღებული და მათ საქართველოში ნოემბრის ბოლომდე დააბრუნებენ.
„რუსეთში რამდენიმე ფონდია, სადაც ქართული ფილმები ინახება. ყველაზე დიდი ფონდი გახლავთ რუსეთის ფედერალური ფილმოფონდი. იქ ამ ეტაპზე არის 706 ქართული მხატვრული, ანიმაციური და დოკუმენტური ფილმი. ვინაიდან პროექტი დაიწყო, თუ შეუჩერებლად გაგრძელდა, ალბათ, სავარაუდოდ, 6 წელი დაგვჭირდება, მთლიანი მემკვიდრეობის დასაბრუნებლად“, - ამბობს ნანა დოლიძე.
კარასინი-აბაშიძის შეხვედრების ფორმატში მოლაპარაკებების შედეგად რუსეთიდან ქართული ფილმების არქივის გადმოტანის პროცესი დაიწყო.