თურქეთში, 23 წლის ქართველი მეზღვაური დაიღუპა.
როგორც „ლიბერალს“ საზღვაო ტრანსპორტის სააგენტოში განუცხადეს, მათი ინფორმაციით, მეზღვაური გემბანიდან მოულოდნელად გადავარდა, რამაც მისი სიკვდილი გამოიწვია.
„21 ოქტომბერს, ჩვენთან შემოვიდა შეტყობინება, რომ გარდაიცვალა მეზღვაური. ჩვენ შევატყობინეთ საგარეო საქმეთა სამინისტროს, უწყებამ მოგვიანებით დაგვიდასტურა აღნიშნული ფაქტი. ბიჭი იყო 23 წლის, ქუთაისიდან. როგორც ვიცით, უცებ გადმოვარდა გემბანიდან, რამაც გამოიწვია სიკვდილი“, - აცხადებენ სააგენტოში.
მათი თქმით, საქმეში ჩართულია საგარეო საქმეთა სამინისტრო და თურქეთში საქართველოს საელჩო.
სააგენტოში აცხადებენ, რომ დაღუპულ მეზღვაურის საქართველოში დღეს გადმოასვენებენ.
