ცესკო არჩევნების პირველი ტურის გენდერულ სტატისტიკას აქვეყნებს. არჩევნებში რეგისტრირებული ქალი და მამაკაცი ამომრჩევლებიდან მხოლოდ 51.63% მივიდა არჩევნებზე. გენდერული სტატისტიკის მიხედვით,  სიაში რეგისტრირებული ქალი ამომრჩევლის 51. 1%-მა მისცა ხმა, ხოლო მამაკაცი ამომრჩევლის 48.9 %-მა.

8 ოქტომბრის არჩევნების ერთიან სიაში სულ  3 513 884 მოქალაქე იყო დარეგისტრირებული. აქედან, 46.24% იყო კაცი, ხოლო 53.76% - ქალი.

ცესკო ამომრჩეველთა აქტივობას სქესის მიხედვით 2014 წლის თვითმმართველობის არჩევნებიდან აქვეყნებს. თვითმმართველობის არჩევნებში ორივე ტურში ქალი ამომრჩევლის აქტივობა 50% / 53% იყო, მამაკაცების კი - 50%/ 46%.