თბილისის მერის, დავით ნარმანიას თქმით, მიმდინარე წლის შემოდგომაზე 80 000-მდე ხე-მცენარე დაირგვება. მისი თქმით, დაირგვება დიდი ზომის ხეები. საშემოდგომო რგვა მიმდინარე კვირაში დაიწყება.

როგორც მან მერიის სხდომაზე აღნიშნა, ვერეს ხეობაში დარგული ხეების თითქმის 90%-მა გაიხარა, ხოლო იმ ნაწილს, რომელიც გახმა, კონტრაქტორი კომპანია ნოემბრის პირველ ნახევარში ჩააცვლებს.

„ვერეს ხეობაში, სადაც ჩვენ დიდი ზომის 4 700 ერთეული ხე დავრგეთ, დიდმა ნაწილმა გაიხარა. დარგის სპეციალისტები ვარაუდობდნენ, რომ დარგული ხეების, დაახლოებით, 80% გაიხარებდა. თუმცა, ჩვენ გვაქვს გაცილებით უკეთესი სურათი - უპრეცედენტო მოვლის პირობებში, გაიხარა დარგული მცენარეების, თითქმის, 90-მა პროცენტმა. ნერგებს, რომლებიც გახმა, კონტრაქტორი კომპანია ნოემბრის პირველ ნახევარში ჩაანაცვლებს,“ - განაცხადა დავით ნარმანიამ.