„პატრიოტთა ალიანსი“ ცესკოს შემაჯამებელი ოქმის ბათილად ცნობას მოითხოვს. „პატრიოტთა ალიანსს“ ცესკო-მ ექვსი სადეპუტატო მანდატი მიაკუთვნა. თუმცა, ისინი თვლიან, მანდატების ამგვარი გადანაწილება კონსტიტუციას ეწინააღმდეგება. მათი თქმით, პარტიას მეტი მანდატი ეკუთვნის, ვინაიდან 5%-იანი ბარიერის მიღმა დარჩენილი პარტიების მანდატები თანაბრად უნდა გადანაწილდეს პარლამენტში შესულ ყველა პარტიაზე.
პარტიამ ცესკოს წინააღმდეგ სარჩელი თბილისის საქალაქო სასამართლოში შეიტანა.
