NATO-ს გენერალურმა მდივანმა, იენს სტოლტენბერგმა ბრიუსელში, ჩრდილოატლანტიკური საბჭოს სხდომის შემდეგ პრესკონფერენციაზე განაცხადა, რომ NATO-ს წევრი 6 სახელმწიფო მზად არის, შავი ზღვის რეგიონში სახმელეთო, საზღავო და საჰაერო ძალები გაგზავნოს.
„დღეს ჩვენ ვიმსჯელეთ NATO-ს ყოფნის გაძლიერებაში შავი ზღვის რეგიონში. მოხარული ვარ გაცნობოთ, რომ რამდენიმე ქვეყანამ გამოთქვა მზადყოფნა, გააძლიეროს სამხედრო ძალები შავი ზღვის რეგიონში, მათ შორის, ხმელეთზე, ზღვასა და ჰაერში. ეს ქვეყნები არიან: კანადა, გერმანია, ნიდერლანდები, პოლონეთი, თურქეთი და აშშ. ვფიქრობ, NATO-ს წევრი სხვა სახელმწიფოები ასევე განიხილავენ, რა გზით შემოუერთდებიან“. - განაცხადა სტოლტენბერგმა.
მისი თქმით, შემაშფოთებელია რუსეთის ქმედებები, ვინაიდან ის ზრდის სამხედრო ძალებს და ახდენს მის მოდერნიზაციას ამ რეგიონში. თუმცა აღნიშნავს , რომ აუცილებელია დიალოგი. ამიტომაც ალიანსი მზადაა დაგეგმოს შეხვედრა NATO-რუსეთის წარმომადგენელებს შორის.
