ამ წუთებში გონიოსა და ახალსოფელს შორის არსებულ ტერიტორიაზე, აფსაროსის ქუჩაზე ევკალიპტის ხეებს იჭრიან. ამის შესახებ „ლიბერალს" თვითმხილველი ესაუბრა. როგორც ის ამბობს, ადგილზე არ არის არავინ პასუხისმგებელი პირი, მუშები კი ამბობენ, რომ მესაკუთრეს რომელმაც ტერიტორია შეიძინა, ამის უფლება აქვს, თუმცა დამადასტურებელი საბუთის წარმოდგენა ვერ შეძლეს.
როგორც პარტიზანი მებაღე ნატა ფერაძე სოციალურ ქსელში წერს, გონიოში საღი ევკალიპტის ხეები იჭრება.ბათუმის მერიაში ამბობენ, რომ ტერიტორია კერძო საკუთრებაა და მერიას არავითარი ბერკეტი არ გააჩნია მათ შესაჩერებლად.
