რომ დავდივარ ყველგან, ყველაფერი მესმის, კითხვები მიჩნდება. არ მგონია, რომ გოდერძი [თევზაძე] მკვლელი იყოს, - ამის შესახებ ტელეკომპანია „იმედისთვის“ მიცემულ ინტერვიუში დემურ სტურიას დედა ნონა ჯოჯუა აცხადებს.
„მე იმის ეჭვიც მაქვს, ვიღაც, რომ დადის და მაშინებს, უკვე 5 ფაქტია დაფიქსირებული, გამოძიებაც დაიწყო, სადაა გამოძიება, რას აკეთებს ამდენი ხანი, რომ თუ ის [გოდერძი თევზაძე] მკვლელი არ არის, ნამდვილი მკვლელი რომ გარეთ დადის. შეიძლება არ არის ნამდვილად გოდერძი მკვლელი და გარეთ არის ის ნამდვილი მკვლელი... გოდერძისგან არ წარმომედგენინა, რომ ვიღაცა მომიგზავნა და მაშინებს“, - ამბობს დემურ სტურუას დედა.
ნონა ჯოჯუა მოითხოვს, დაიკითხონ დემურ სტურუას საჯავახოელი მეგობრები.
როგორც „იმედთან“ დემურ სტურუას ბიცოლა, დარიკო ჯაში ამბობს, გარდაცვლილი წერილში „ტყიულად არავის არ მოიხსენიებდა“.
„დღეს ყველაფერი ხდება, მაგრამ რა ვიცი, ვინ დააშინა, რამ შეუცვალა ამ ქალს ასე ტვინი, მე არ ვიცი“, - აცხადებს ჯაში.
საქართველოს მთავარი პროკურორის ირაკლი შოთაძის განცხადებით, უტყუარად დასტურდება, რომ თვითმკვლელობამდე წერილი დემურ სტურუამ დაწერა. შოთაძის თქმით, გამოძიების ხელთ არსებული მტკიცებულებებით, გარდაცვლილის დედის ეჭვები უსაფუძვლოა.
„აღნიშნული განცხადება მოვისმინე მასმედიის საშუალებით. გამოძიება არ არის დასრულებული და ის გრძელდება. დემურ სტურუას საქმე ჯერ არის წინასწარი გამოძიების ეტაპზე. შესაბამისად, აუცილებლად მოხდება დაზარელებულის, უფლებამონაცვლის დაკითხვა მის მიერ დღეს საჯაროდ გაცხადებული ფაქტების ირგვლივ. რაც შეეხება იმ ფაქტს, რომ ეს წერილი არ არის დაწერილი გარდაცვლილის მიერ, მინდა გითხრათ, რომ ამ საქმეზე ჩატარებულია ექსპერტიზა, რომლითაც უტყუარად დადგენილია, რომ ეს წერილი დაწერილია დემურ სტურუას მიერ", – ამბობს მთავარი პროკურორი.
