თბილისის ზოოპარკმა დაჭრილ არწივს უმკურნალა და გამოჯანმრთელების შემდეგ ბუნებაში გაუშვა.

თბილისის ზოოპარკში ამბობენ, რომ თავიდან არწივი წონასწორობას ვერ ინარჩუნებდა, კოორდინაციას კარგავდა, ვერც დგებოდა და არც ფრენა შეეძლო. ვეტექიმების დახმარების შემდეგ კი ის ნელ-ნელა გამოჯანმრთელდა და დედოფლისწყაროს რაიონში გაუშვეს.

„შევიფარეთ და ჩვენი ვეტექიმები საქმეს შეუდგნენ - ჭრილობის დამუშავება, ანტიბიოტიკები, ვიტამინები... თავიდან ხელით უწევდათ მისი გამოკვება. რამდენიმე დღეში დამშვიდდა, ცოტა მოღონიერდა და დამოუკიდებლად დაიწყო ჭამა. შემდეგ? ჯერ ფეხზე დადგა, მერე ხტუნვა დაიწყო, ნელ-ნელა ფრთებიც გაშალა და მალე ქანდარასაც შესწვდა. საკმარისად რომ მოყოჩაღდა უფრო დიდ ვოლიერში გადაიყვანეს და კონტაქტიც ნაკლებად ჰქონდათ, რომ ადამიანებს გადაჩვეოდა. და აი, 2 თვის წვალების შემდეგ ამ უსიმპათიურესი არსების ბუნებაში დაბრუნების დროც დადგა. SABUKO - Society for Nature Conservation-ის წევრებთან ერთად ჩვენმა ბიჭებმა დედოფლისწყაროს რაიონში გაუშვეს", - ამბობენ თბილისის ზოოპარკში.

მათი თქმით, ბექობის არწივი საერთაშორისო და საქართველოს წითელ ნუსხაშია შეყვანილი, როგორც მოწყვლადი სახეობა. 

მსხვერპლად ქცეული მტაცებლები​