„საერთაშორისო რესპუბლიკურმა ინსტიტუტმა" (IRI) არჩევნების პირველ და მეორე ტურებს შორის პერიოდის მონიტორინგის ანგარიში გამოაქვეყნა, რომელიც 9-21 ოქტომბრის პერიოდს მოიცავს.
ანგარიშში ნათქვამია, რომ IRI-ის დამკვირვებლებმა საარჩევნო უბნებთან სამოქალაქო ტანსაცმელში ჩაცმული მოქალაქეების ჯგუფი შენიშნეს, რაც ამომრჩევლებზე ზეწოლის შთაბეჭდილებას ტოვებდა.
„როდესაც დამკვირვებლები მათ მამართავდნენ, რა იყო მათი უბანთან ყოფნის მიზეზი, ისინი პასუხობდნენ, რომ უბრალოდ მეზობლები შეიკრიბნენ" - ნათქვამია ანგარიშში.
IRI საარჩევნო ადმინისტრაციას შემდგომ რეკომენდაციებს სთავაზობს:
- საარჩევნო ადმინისტრაციისადმი ნდობის გაზრდის მიზნით, საარჩევნო კომისიებმა მეტი უნდა იმუშაონ.
- საარჩევნო ადმინისტრაციამ საარჩევნო პროცედურების შესახებ ტრენინგის ხარისხი უნდა გააუმჯობესოს
- პოლიტიკურმა პარტიებმა მშვიდობიანი და თანამშრომლობაზე ორიენტირებული საარჩევნო გარემო უნდა უზრუნველყონ
- ოფიციალურმა პირებმა პატივი უნდა სცენ მათ საჯარო და პოლიტიკურ როლს შორის განსხვავებებს
- პოლიტიკურმა პარტიებმა ქალთა ინკლუზიურობის გასაზრდელად ნაბიჯები უნდა გადადგან
- საარჩევნო საქმიანობის მიმართ სამარართალდამცავთა საქმიანობა მიუკერძოებელი და გამიჯნული უნდა იყოს
