დენი ბოილის 1996 წელს გადაღებული საკულტო ფილმის „Trainspotting-ის“ ( „ნემსზე“ - ქართულ ინტერნეტსივრცეში ფილმის სათაური ასეა ნათარგმნი) გაგრძელება პირველად დიდი ბრიტანეთის კინოეკრანებზე, 27 იანვრიდან გამოვა.

როგორც დღეს გავრცელებული თრეილერიდან ვიგებთ, ფილმში მოქმედება ზუსტად 20 წლის შემდეგ ვითარდება, ევან მაკგრეგორის, ევან ბრენერისა და ჯონი ლი მილერის პერსონაჟები კი ისევ გაერთიანდებიან. ფილმის თრეილერში ცნობილი მონოლოგი - „აირჩიე სიცოცხლე“ შეცვლილი და მოდერნიზებულია და ასე იწყება: „აირჩიე სიცოცხლე, აირჩიე ფეისბუკი, ინსტაგრამი, ტვიტერი...“

ფილმის სიუჟეტი ევან მაკგრეგორის პერსონაჟის, რენტონის ირგვლივ ვითარდება. ის წამალდამოკიდებულია. ფილმი ირვინ უელშის რომანის მიხედვით არის გადაღებული და 1997 წელს ჯონ ჰოჯი ადაპტირებული სცენარისთვის ამერიკის კინოაკადემიის ჯილდოს ნომინანტი გახდა.