დღესაც ვფიქრობ, რომ საყდრისის სტატუსის მოხსნასთან დაკავშირებით თავის დროზე აბსოლუტურად სწორი გადაწყვეტილება მივიღეთ იმ რეგულირების გათვალისწინებით, რაც იმ მომენტში არსებობდა, - ამის შესახებ პარლამენტის სამი კომიტეტის გაერთიანებულ სხდომაზე კულტურის მინისტრობის კანდიდატმა მიხეილ გიორგაძემ განაცხადა.
„ერთადერთ საყვედურს, რომელსაც ნაწილობრივ ამასთან დაკავშირებით ვიღებ, არის ის, რომ ალბათ ბევრად მეტი ძალისხმევა უნდა დაგვეხარჯა საზოგადოებასთან კომინიკაციის ნაწილში, როდესაც ამ საკითხზე ვსმჯელობიდით. თუმცა, რამდენიმეთვიანი განხილვები ამას წინ უსწრებდა პროფესიულ წრეებში", - განაცხადა გიორგიძემ.
მისი თქმით, კულტურის სამინისტროს წინააღმდეგ სასამართლოში ოთხი სარჩელია შეტანილი. ამ ოთხი სარჩელიდან ერთის განხილვა დასრულდა და ის არ დაკმაყოფილდა. დარჩენილია სამი სარჩელი.
„მე ნაბისმიერ ფორმატში მზად ვარ, დასმულ კითხვებს პასუხი გავცე, რაც არაერთხელ გამიკეთებია. საპარლამენტო კომისიის შექმნის მიზანშეწონილობა, პარლამენტის პრეროგატივაა“, - მიმართა კომიტეტის წევრებს მიხეილ გიორგაძემ.