თბილისის საერთაშორისო კინოფესტივალის მთავარი თემა წელს პოლიტიკა იქნება. რიგით მე-17 ფესტივალს 28 ნოემბერს გერმანელი რეჟისორის მარგარეტე ფონ ტროტას ფილმი „როზა ლუქსემბურგი“ (1986) გახსნის. როგორც ფესტივალის დირექტორმა, გაგა ჩხეიძემ დღეს გამართულ პრესკონფერენციაზე განაცხადა, წელს ფესტივალზე 115 ფილმს უჩვენებენ. 
საერთაშორისო კონკურსში კი 10 ფილმი მიიღებს მონაწილეობას და სულ ორი პრიზი გაიცემა, ოქროს პრომეთე - საუკეთესო ფილმისთვის და ვერცხლის პრომეთე - საუკეთესო რეჟისურისთვის. ქართულ პანორამაში კი გამარჯვებულები სამ ნომინაციაში გამოვლინდებიან - საუკეთესო სრულმეტრაჟიანი მხატვრული ფილმი, საუკეთესო მოკლემეტრაჟიანი ფილმი და საუკეთესო დოკუმენტური ფილმი.
ფესტივალის ფარლებში მარგარეტე ფონ ტროტა, ოსკაროსანი რეჟისორი ჰიუ ჰადსონი და დიტო ცინცაძე მასტერკლასებს ჩაატარებენ.
ფესტივალს ირანელი კინორეჟისორის ფილმი - „წამიყვანე სახლში“ 4 დეკემბერს დახურავს.