საგადასახადო კოდექსის 201-ე, 202-ე და 205-ე მუხლებში ცვლილებები შედის. კერძოდ, ფიზიკური პირი, რომლის ოჯახის წლიური შემოსავალი 40 000 ლარს აღემატება, ვალდებული ხდება გადაიხადოს ქონების გადასახადი მის საკუთრებაში მყოფ მსუბუქ ავტომობილზე. ქონების გადასახადის წლიური განაკვეთი დიფერენცირებულია ავტომობილის ასაკის მიხედვით და განისაზღვრება შემდეგი ოდენობით ლარებში:
ჯანდაცვის კომიტეტის თავჯდომარის, კაკი ზოიძის თქმით, ფინანსთა სამინისტროს ინფორმაციით, ქონებრივი მდგომარეობის დეკლარაციას დღესდღეობით 17,000 ოჯახი ავსებს.
"17 ათასი ოჯახი იხდის ქონების გადასახადს. მიმაჩნია, რომ ეს რიცხვი მცირეა. ასეთი ოჯახების რაოდენობა გაცილებით მეტია, მაგრამ არ იხდიან. კანონით კი ეკუთვნით. ადმინისტრირება, სავარაუდოდ, სუსტია, რადგან მე პირად არ გამიგია ვინმე ამ მიზეზით დაეჯარიმებინოთ", - განუცხადა "ლიბერალს" კაკი ზოიძემ.