Search
"ლიბერალი" მისამართი: თბილისი, რუსთაველის 50 ტელეფონი: +995 32 2470246 ელ. ფოსტა: [email protected] Facebook: https://www.facebook.com/liberalimagazine
გაგზავნა
გაგზავნა

თბილისში სამშობიარო კლინიკების დონეების მინიჭების პროცესი დასრულდა

10 დეკემბერი, 2016 13:12

თბილისში სამშობიარო კლინიკების დონეების მინიჭების პროცესი დასრულდა. როგორც შრომის, ჯანმრთელობისა და სოციალური დაცვის სამინისტრო აცხადებს, პერინატალური რეგიონალიზაციის ფარგლებში, თბილისის მასშტაბით 21 სამშობიარო კლინიკა შეფასდა. პერინატალური რეგიონალიზაციის საკოორდინაციო საბჭოს მიერ დონე 16 სამშობიარო კლინიკას განესაზღვრა და დაწესებულებების ხელმძღვანელებს დონის დამადასტურებელი სერტიფიკატები გადაეცათ. 

სამინისტროს ინფორმაციით, ღონისძიების ფარგლებში, დედათა და ბავშვთა ჯანმრთელობის შესახებ საინფორმაციო სისტემების გაუმჯობესების მიზნით შექმნილი დაბადების რეგისტრაცისა და პილოტურ რეგიონში დედათა სიკვდილ-სიცოცხლის მიჯნაზე მდგომ სამედიცინო შემთხვევების შედეგებიც განიხილეს. 

„პერინატალური რეგიონალიზაცია სამედიცინო მომსახურების ხარისხის გაუმჯობესების ინსტრუმენტია და სამშობიარო კლინიკების შეფასებას გულისხმობს. დონის განსაზღვრის შემდეგ, სამედიცინო დაწესებულება პაციენტს კომპეტენციის შესაბამის სერვისს მიაწვდის. სისტემა ორსული ქალების, დედებისა და ახალშობილებისათვის სათანადო დონის სერვისების მიწოდებას მშობიარობამდე, მშობიარობის დროს დამშობიარობის შემდგომ პერიოდში უზრუნველყოფს. 

სამშობიარო კლინიკების დონეების განსაზღვრის მიზნით, სამინისტრომ მონიტორინგის მექანიზმი და ინდიკატორები შეიმუშავა. თითოეული გარდაცვალების და სიკვდილ-სიცოცხლის მიჯნაზე მყოფი შემთხვევა პაციენტის ექიმთან შეხების წუთიდან შეისწავლება. პაციენტი შესაბამის ადგილას, შესაბამის დროს, კვალიფიციურ დახმარებას მიიღებს, რაც დედათა და ბავშვთა სიკვდილობას შეამცირებს“, - განაცხადეს სამინისტროში. 

მათივე თქმით, რეგიონალიზაციის პროცესი წელიწადზე მეტია დაიწყო. საკოორდინაციო საბჭომ თბილისში 16 კლინიკა შეაფასა. დონეების განსაზღვრა მთელი ქვეყნის მასშტაბით მიმდინარეობს და პროცესი 2017 წლის ბოლომდე დასრულდება. 

კომენტარები

ამავე რუბრიკაში

16 დეკემბერი
16 დეკემბერი

გრიგოლ ლილუაშვილი სუს-ის უფროსის მოადგილ ...

სახელმწიფო უსაფრთხოების სამსახურის უფროსის მოადგილედ გრიგოლ ლილუაშვილი დაინიშნა.  სუს-ის ინფორმაციით, ამ პოზიციის ...
16 დეკემბერი
16 დეკემბერი

„დეპუტატების პოლიტიკური ჩართულობის გასაზ ...

საპარლამენტო უმრავლესობაში ორი ახალი ფრაქციის შექმნა იგეგმება - ამის შესახებ ჟურნალისტებს იურიდიულ საკითხთა კომიტეტის თა ...
16 დეკემბერი
16 დეკემბერი

საზმაუ „მაუწყებლობის შესახებ" კანონზე შე ...

„შერეულ ფორმატში მონაწილეობა ჩვენთვის მიუღებელია" - საზოგადოებრივი მაუწყებლის აღმასრულებელი საბჭო „მა ...
^