„შვედეთის სამეფო აკადემიას“ ბობ დილანმა მადლობა გადაუხადა. ნობელის პრემიის ლაურიატი ლიტერატურის დარგში ცერემონიას არ დასწრებია. მისი წერილი კი ცერემონიაზე შვედეთში აშშ-ის ელჩმა წაიკითხა.
„თუ ოდესმე ვინმე მეტყოდა, რომ მე გავხდებოდი ნობელის პრემიის მფლობელი, ეს ისეთივე წარმოუდგენელი იქნებოდა, როგორც მთვარეზე ჩემი დგომა“.- განაცხადა დილანმა.
მადლობის წერილში ის ამბობს, რომ მისთვის რთული იყო სიტყვებით გადმოეცა, თუ რას ნიშნავდა ნობელის პრიზის მიღება და პატივია ისეთი ადამიანების გვერდით ყოფნა, როგორიც რადიარდ კიპლინგი, კამიუ და ჰემინგუეი იყვნენ. ღია წერილში ის ამბობს, რომ ამ გიგანტი მწერლების ნაწარმოებები მან ადრეულ წლებში წაიკითხა.
„არასდროს მიკითხავს ჩემი თავისთვის, იყო თუ არა ჩემი მუსიკა ლიტარატურა“- თქვა მან.
ცერემონიაზე პატი სმიტმა ბობ დილანის ერთ-ერთი სიმღერა - A Hard Rains Gonna Fall შეასრულა, თუმცა ნერვიულობის გამო რამდენჯერმე შეწყვიტა, რისთვისაც ბოდიში მოუხადა აუდიტორიას.