გარემოს ეროვნული სააგენტოს ინფორმაციით, დღეს ზღვაზე 4-6-ბალიანი შტორმია მოსალოდნელი. ამასთან, საქართველოს მთელ ტერიტორიაზე ცივი და ნოტიო ჰაერის მასების გავრცელების გამო მოსალოდნელია ნალექი, უმეტესად თოვლის სახით.
გარემოს ეროვნული სააგენტოს განმარტებით, მაღალმთიან რაიონებში ქარბუქი, ზვავსაშიშ რეგიონებში თოვლის ზვავები, საავტომობილო გზებზე კი ლიპყინულია მოსალოდნელი. ასევე, შესაძლოა, დასავლეთ საქართველოს მდინარეების წყლის დონემ მოიმატოს.