Search
"ლიბერალი" მისამართი: თბილისი, რუსთაველის 50 ტელეფონი: +995 32 2470246 ელ. ფოსტა: LIBERALIMAGAZINE@GMAIL.COM Facebook: https://www.facebook.com/liberalimagazine
გაგზავნა
გაგზავნა

m²-ის წინადადებას კომიტეტები დღეს, 20 დეკემბერს განიხილავს

20 დეკემბერი, 2016 2:07

რეგიონული პოლიტიკისა და თვითმმართველობის, დარგობრივი ეკონომიკისა და ეკონომიკური პოლიტიკის და გარემოს დაცვისა და ბუნებრივი რესურსების კომიტეტების გაერთიანებულ სხდომაზე დღეს, 20 დეკემბერს „m2 უძრავი ქონების“  წარმდგენილ საკანონმდებლო წინადადებას განიხილავენ, რაც დედაქალაქის ტერიტორიაზე ხეების ჭრისა და ეკოლოგიასთან დაკავშირებულ საკითხებზე კანონმდებლობაში განსახორციელებელ ცვლილებებს ეხება.

კომიტეტების გაერთიანებული სხდომა 13 საათზე დაიწყება.

„mუძრავი ქონების“ გენერალური დირექტორმა ირაკლი ბურდილაძემ პარლამენტს საკანონმდებლო წინადადებით მიმართა. ის დედაქალაქის ტერიტორიაზე ხეების მოჭრასა და ეკოლოგიასთან დაკავშირებული რიგი საკითხების დარგულირებას ითხოვს.

„მოგეხსენებათ, რომ მოქმედი კანონმდებლობით, კერძო მესაკუთრეს დაავადებულ ხეების მოჭრის უფლების მოპოვება თბილისის მუნიციპალიტეტისათვის მიმართვის გზით უწევს. ამასთან, საკომპენსაციოდ მან სოლიდური თანხა უნდა გადაიხადოს, რაც მნიშვნელოვანად ართულებს ბიზესაქტორების მდგომარეობას. მიგვაჩნია, რომ დაავადებული მწვანე ნარგავების მოჭრა მესაკუთრეს თავისი ტერიტორიის საზღვრებში თანხის გადახდის გარეშე უნდა შეეძლოს, რადგან დაავადებული ხე-მცენარეების არსებობა საფრთხეს წარმოადგენს სხვა, ქალაქის ტერიტორიაზე არსებული ნარგავების დაზიანების თვალსაზრისით და, შესაბამისად, მათი დროული გაუვნებელყოფა ქალაქის ინტერესებში შედის“, - წერს m2 საკანონმდებლო წინადადებაში.

მათი თქმით, ამგვარი შესაძლებლობის გაჩენა, ხელს შეუწყობს ბიზნესის სტიმულირებას და გარემოს ეკოლოგიური მდგომარეობის გაუმჯობესებას. აღნიშნული მნიშვნელოვნად დაეხმარება ქალაქის შესაბამის ორგანოებს თავისი ფუნქციის ჯეროვნად შესრულებაშიც, რაც საბოლოოდ  დაზოგავს მუნიციპალიტეტის ხარჯებს.

„ამასთან, მნიშვნელოვანია საზოგადოებრივი აზრი ქალაქის ტერიტორიაზე საჭიროების შემთხვევაში ჯანსაღი ხეების მოჭრის შესახებ. მოგეხსენებათ, თბილისის ტერიტორია არსებითად დაფარულია მწვანე საფარით. იმ შემთხვევაში, თუ არ იარსებებს ხის მოჭრის შესაძლებლობა, მნიშვნელოვნად შეფერხდება მსხვილი, ქვეყნისთვის სასიკეთო ეკონომიკური ეფექტის მქონე პროექტების განხორციელება და შეუძლებელი გახდება ტერიტორიების სამშენებლო განვითარება. გთხოვთ, გაითვალისწინოთ აღნიშნული და დაჩქარებული წესით განახორციელოთ შესაბამისი ცვლილებები მოქმედ კანონმდებლობაში, რათა დადგენილ იქნეს მკაფიო რეგულაციები და განისაზღვროს ამ მიზნით შესაბამისი უფლებამოსილი პირების უფლება-მოვალეობები“, - ნათქვამია წინადადებაში.

„m²-ის" განმარტება: ჩვენ არ ვითხოვთ ჯანსაღი ხეების მოჭრის ნებართვას

კომენტარები

ამავე რუბრიკაში

24 აპრილი
24 აპრილი

შსს: რუსთავის მე-3 სკოლაში ასაფეთქებელი ...

შსს-ს ცნობით, ინფორმაცია რუსთავის მე-3 საჯარო სკოლაში ასაფეთქებელი მოწყობილობის არსებობის შესახებ ცრუ განგაში აღმოჩ ...
24 აპრილი
24 აპრილი

„ნაციონალური მოძრაობა“ ირაკლი ჩხვირკიას ...

„ერთიანი ნაციონალური მოძრაობა” ირაკლი ჩხვირკიას დაკავებას პოლიტიკურად მოტივირებულ დევნად აფასებს.  &bd ...
24 აპრილი
24 აპრილი

სასამართლომ მაკა ჩიჩუას ძმას, მიხეილ მგა ...

დღეს თბილისის საქალაქო სასამართლომ საქართველოს პირველი ლედის, მაკა ჩიჩუას ძმას, მიხეილ მგალობლიშვილს  4 წლით თ ...
^