„ხვალ დღის ბოლოს უკვე დაახლოებით გვეცოდინება, ბორდის რომელი წევრი რომელ კანდიდატს უჭერს მხარს“, - ამის შესახებ ჟურნალისტებს საზოგადოებრივი მაუწყებლის სამეურვეო საბჭოს ერთ-ერთმა წევრმა, ირინა ფუტკარაძემ განუცხადა.
მან თინათინ ბერძენიშვილისა და ზაალ ანჯაფარიძის გასაუბრებასთან დაკავშირებით ისაუბრა და აღნიშნა, რომ ორივე კანდიდატი ღირსეულად წარმოჩნდა სამეურვეო საბჭოს წინაშე და ძალიან კარგი სამოტივაციო წერილები ჰქონდათ.
„კარგი პრეზენტაციები ჰქონდათ, თუმცა ჯერ ნაადრევია რაღაცაზე მსჯელობა, რადგან ჯერ სამი კანდიდატია დარჩენილი. ჩვენ მაქსიმალურად ვეცადეთ, რომ პროცესი გამჭვირვალე ყოფილიყო და ვფიქრობ, ამას ვასრულებთ. სხვადასხვა მიმართულებით იყო შეკითხვები, მათ შორის, პოლიტიკის თვალსაზრისით, თუ რა ხედვები აქვს კანდიდატებს“, - განაცხადა ფუტკარაძემ.
საზოგადოებრივი მაუწყებლის სამეურვეო საბჭოს წევრებს დღეს სამ კანდიდატთან - ზაალ ანჯაფარიძესთან, თინათინ ბერძენიშვილსა და ნათია კუპრაშვილთან ჰქონდათ გასაუბრება.
