ამ წუთებში დასრულდა თბილისის საქალაქო სასამართლოში ლევან გაჩეჩილძის შვილის, რატი გაჩეჩილაძის სასამართლო პროცესი. სასამართლო აღკვეთი ღონისძიების ფორმას განიხილავდა. საბოლოოდ, მოსამართლის გადაწყვეტილებით, გაჩეჩილაძეს ამგვარ ღონისძიებად 5000 ლარის ოდენობის გირაო შეეფარდა.

დაცვის მხარეს მიაჩნია, რომ ბრალდებული უკანონოდ დააკავეს, რადგან მან თავადვე გამოთქვა სურვილი რომ ეთანამშრონლა. "ამდენად მისი მიმავლის საფრთხე არ არსებობდა". ეს არგუმენტი სასამართლომ გაიზიარა. 

აღნიშნულ საქმეზე წინასასამართლო სხდომა 20 თებერვალს გაიმართება.

ტელეკომპანია ”რუსთავი 2”-ის გენერალურ დირექტორს ნიკა გვარამიას ლევან გაჩეჩილაძის შვილი, რატი გაჩეჩილაძე ერთ-ერთ რესტორანში თავს დაესხა. ამის შესახებ ინფორმაცია თავად ნიკა გვარამიამ გაავრცელა. 

მოგვიანებით გვარამიაზე თავდასხმა თავად გაჩეჩილაძემ ასევე ფეისბუქზე აღიარა:

შინაგან საქმეთა სამინისტრომ გამოძიება საქართველოს სსკ-ს 126-ე მუხლის 1-ლი ნაწილით დაიწყო.

მუხლი ითალისწინებს  ცემას ან სხვაგვარ ძალადობას, რამაც დაზარალებულის ფიზიკური ან ფსიქიკური ტანჯვა გამოიწვია. აღნიშნული ქმედება ისჯება თავისუფლების შეზღუდვით ვადით ორ წლამდე ან თავისუფლების აღკვეთით ვადით ერთიდან სამ წლამდე.