Search
"ლიბერალი" მისამართი: თბილისი, რუსთაველის 50 ტელეფონი: +995 32 2470246 ელ. ფოსტა: [email protected] Facebook: https://www.facebook.com/liberalimagazine
გაგზავნა
გაგზავნა

საქართველო რუსეთს მოუწოდებს, ოკუპირებულ ტერიტორიებზე ძეგლების განადგურება შეწყვიტოს

10 იანვარი, 2017 18:24

საგარეო საქმეთა სამინისტრო რუსეთს მოუწოდებს, ოკუპირებულ ტერიტორიებზე არსებული კულტურული ძეგლების დაზიანებისა და განადგურების პრაქტიკა შეწყვიტოს. სამინისტროს ინფორმაციით, აღნიშნული უკანონო ქმედება კიდევ ერთხელ მიანიშნებს საქართველოს ოკუპირებულ ტერიტორიებზე სამხედრო და ჰუმანიტარული კუთხით არსებულ უმძიმეს მდგომარეობაზე.

„საქართველოს საგარეო საქმეთა სამინისტრო შეახსენებს რუსეთის ფედერაციას, რომ კულტურული მემკვიდრეობის გამიზნული დაზიანება არღვევს საერთაშორისო ჰუმანიტარული სამართლით გათვალისწინებულ ვალდებულებებს, კერძოდ კი "შეიარაღებული კონფლიქტის შემთხვევაში კულტურულ ფასეულობათა დაცვის" 1954 წლის კონვენციას, ასევე "კულტურული მემკვიდრეობის გამიზნული განადგურების" შესახებ  UNESCO-ს 2003 წლის დეკლარაციის პრინციპებს. 

სამინისტრო მოუწოდებს ასევე საერთაშორისო თანამეგობრობას,UNESCO-ა და სხვა საერთაშორისო ორგანიზაციებს, სათანადო შეფასება მისცენ რუსეთის ფედერაციის უკანონო ქმედებებს და ყველა ღონე იხმარონ საქართველოს ოკუპირებულ რეგიონებში არსებული ისტორიული და კულტურული მემკვიდრეობის გადარჩენისა და დაცვის მიზნით" - ნათქვამია საგარეო საქმეთა სამინისტროს განცხადებაში. 

რუსული და აფხაზური წყაროებით გავრცელებული ინფორმაციის თანახმად, 2017 წლის 3 იანვარს აფხაზეთის რეგიონში რუსეთის საოკუპაციო ძალებმა სამხედრო პოლიგონის მომზადების მიზნით გაანადგურეს გულრიფშის რაიონის სოფელ წებელდასთან არსებული მრავალფენიანი არქეოლოგიურ-არქიტექტურული ძეგლი - VIII-IX და გვიანი შუა საუკუნეების ნასოფლარი, სამაროვანი, ეკლესიის ნანგრევი და ასევე XX ს-ის შუა ხანების პოლონელთა სასაფლაო.

 

კომენტარები

ამავე რუბრიკაში

22 ივლისი
22 ივლისი

NGO-ები: პეკინის ქუჩაზე დაგეგმილი ცვლილე ...

სამოქალაქო ორგანიზაციების „პარტნიორობა საგზაო უსაფრთხოებისთვის“, „იარე ფეხით“, „თბილისის ვ ...
22 ივლისი
22 ივლისი

ისლანდიაში გულფისის ჩანჩქერში საქართველო ...

ისლანდიაში, გულფოსის ჩანჩქერში საქართველოს მოქალაქეს, 22 წლის ნიკა ბეგაძეს ეძებენ. როგორც ადგილობრივი მედია gr ...
21 ივლისი
21 ივლისი

პრეზიდენტის ადმინისტრაცია პარლამენტში გა ...

პრეზიდენტის ადმინისტრაცია “ადგილობრივი თვითმმართველობისა” და “საარჩევნო კოდექსში” ცვლილებებთან დ ...
^