სესხის ერთჯერადი ლარიზაციის სქემა 17 იანვრიდან ამოქმედდება - ამის შესახებ პრემიერ-მინისტრმა გიორგი კვირიკაშვილმა მთავრობის სხდომაზე განაცხადა. პრემიერის თქმით, შესაბამისი პროექტი დასამტკიცებლად ფინანსთა მინისტრს მთავრობის სხდომაზე გამოაქვს.
„მოგეხსენებათ, საქართველოს მთავრობამ ეროვნულ ბანკთან ერთად შეიმუშავა სესხის ლარიზაციის გეგმა. ასევე, მოგეხსენებათ, რომ ვიწყებთ ამ გეგმის განხორციელებას 2017 წლის იანვრიდან.
ეს არის ძალიან სწორი პროცესი, რომელიც მიზნად ისახავს ჩვენი მოსახლეობის და ასევე საფინანსო სექტორის დამოკიდებულების თანადათანობით შემცირებას დოლარზე და ვფიქრობთ, რომ ეს ძალიან წარმატებული პროექტი იქნება" - თქვა პრემიერმა.