Search
"ლიბერალი" მისამართი: თბილისი, რუსთაველის 50 ტელეფონი: +995 32 2470246 ელ. ფოსტა: LIBERALIMAGAZINE@GMAIL.COM Facebook: https://www.facebook.com/liberalimagazine
გაგზავნა
გაგზავნა

მიხეილ ჯანელიძე რეჯებ ტაიპ ერდოღანს შეხვდა

11 იანვარი, 2017 11:02

საქართველოს საგარეო საქმეთა მინისტრი მიხეილ ჯანელიძე ანკარაში ოფიციალური ვიზიტის ფარგლებში თურქეთის რესპუბლიკის პრეზიდენტს რეჯებ ტაიპ ერდოღანს შეხვდა. ამის შესახებ განცხადებას საგარეო საქმეთა სამინისტრო ავრცელებს. 

„შეხვედრაზე მხარეებმა კმაყოფილებით დააფიქსირეს ორ ქვეყანას შორის მჭიდრო მეგობრული და სტრატეგიული ურთიერთობების არსებობა. განსაკუთრებული ყურადღება გაამახვილეს რეგიონულ სატრანსპორტო და ენერგეტიკულ პროექტებსა და მათი რეალიზაციის პროცესში მხარეებს შორის აქტიური თანამშრომლობის მნიშვნელობაზე.

ხაზი გაესვა მაღალი დონის ვიზიტების არსებული დინამიკის შენარჩუნებისა და შემდგომი გააქტიურების აუცილებლობას. ასევე აღინიშნა კულტურის სფეროში ორმხრივი თანამშრომლობის მნიშვნელობა და ხალხთაშორისი კავშირების ხელშეწყობა.
 
მიხეილ ჯანელიძემ დაგმო ბოლო პერიოდში თურქეთში მომხდარი ტერორისტული აქტები და სრული მხარდაჭერა და სოლიდარობა გამოხატა თურქეთის ხელისუფლებისა და თურქი ხალხის მიმართ.
თავის მხრივ, თურქეთის რესპუბლიკის პრეზიდენტმა კიდევ ერთხელ დაადასტურა ანკარის ურყევი მხარდაჭერა საქართველოს ტერიტორიული მთლიანობისა და სუვერენიტეტის მიმართ.
 
საქართველოს საგარეო უწყების ხელმძღვანელმა თურქეთის მხარეს მადლობა გადაუხადა ევროპული და ევროატლანტიკური ინტეგრაციის გზაზე საქართველოს მხარდაჭერისთვის და NATO-ს ღონისძიებათა პაკეტის ეფექტიანად განხორციელების მიმართულებით თურქეთის მიერ გაწეული კონტრიბუციისთვის“.- ნათქვამია განცხადებაში.

კომენტარები

ამავე რუბრიკაში

22 ნოემბერი
22 ნოემბერი

გომელაური: შეგვიძლია ვთქვათ, რომ მათ საქ ...

სახელმწიფო უსაფრთხოების სამსახურის ხელმძღვანელმა, ვახტანგ გომელაურმა რეფერალურ საავადმყოფოსთან  სპეცოპერაციის შესახ ...
22 ნოემბერი
22 ნოემბერი

გომელაური: იყო საფრთხე, რომ მოსახლეობა მ ...

სახელმწიფო უსაფრთხოების სამსახურის უფროსის, ვახტანგ გომელაურის თქმით, იყო საფრთხე, რომ დანაშაულებრივი ჯგუფის წევრებს მძე ...
22 ნოემბერი
22 ნოემბერი

გომელაური: გავრცელებული ინფორმაცია, რომ ...

სახელმწიფო უსაფრთხოების სამსახურის უფროსმა, ვახტანგ გომელაურმა განაცხადა, რომ ინფორმაცია სამოქალაქო პირის დაღუპვის შესახ ...
^