პრემიერ-მინისტრი გიორგი კვირიკაშვილი თავის განცხადებაზე - რესპუბლიკის მოედნის ქვეშ მდებარე ბარებში ქართველი მამაკაცების არშეშვებასთნ დაკავშირებით განმარტებას აკეთებს.
მისი თქმით, საზოგადოების ნაწილმა მისი ნათქვამი არასწორად გაიგო.
„რატომღაც მოხდა ინტეპრეტირება, რომ ქართველი მამაკაცები შეუშვან ღამის კლუბებში. არა მეგობრებო. ძალიან სამწუხაროა, თუ ეს ვინმემ ასე გაიგო.
მისი თქმით,აღნიშნულ კლუბებში ქართველ მამაკაცებს იმიტომ არ უშვებენ, რომ იქ ხდება ქართველი არასწულწლოვანი გოგონების ჩართვა პროსტიტუციაში.
„ეს არის ძალიან დიდი პრობლემა. მეტიც, ეს არის ჩემი როგორც ამ ქვეყნის შვილის ღირსების შეურაცხყოფა და ამიტომ არის პრობლემატური ეს საკითხი, რომ გადაწყდეს, რაც შეიძლება მალე".
მისი თქმით, ამ საკითხის გადაწყვეტა არავითარ შემთხვევაში სტიქიურად არ უნდა მოხდეს.
„მესმის, რომ ძალიან ემოციური საკითხია, მაგრამ კიდევ ვამბობ: ეს მნიშვნელოვანია, რადგან საკითხი ეხება კანონდარღვევას. კანონდებლობის დარღვევის უფლება არავის უნდა ჰქონდეს, მათ შორის უცხოელ ინვესტორს. რა თქმა უნდა, ჩემს ხელთ არსებული ინფორმაციით, აქ ხდება კანონდარღვევა ბევრი კუთხით. პროსტიტუცია კანონდარღვევაა საქართველოში. ჩემი ინფორმაციით, იქ ხდება განსაკუთრებით მძიმე, არასრულწლოვნების ჩართვა პროსტიტუციაში. ეს ეროვნული ღირსების საკითხია და არ უნდა დავმალოთ, არ უნდა მივუშვათ, რომ სტიქიურად, ემოციებზე მოხდეს ამ საკითხის აგორება. საჯაროდ იმიტომ გამოვიტანე, რომ საკანონმდებლო ფარგლებში მოხდეს გადაწყვეტა", - აღნიშნა პრემიერმა.
