შს მინისტრის მოადგილემ დღეს მთავრობის სხდომაზე პრემიერსგან მიღებულ დავალებაზე განაცხადა, რომ შსს-მ უკვე დაიწყო მუშაობა ამ საკითხზე.
„დავალება მიღებულია, მუშაობა უკვე დავიწყეთ და დეტალურად მოგახსენებთ შედეგებს ამ მუშაობის, თუ რა კეთდებოდა იქამდე და ასევე დავალების შემდეგ რა გაკეთდა“.-განაცხადა შალვა ხუციშვილმა.
დღეს პრემიერ-მინისტრმა სახელმწიფო უწყებებისგან კატეგორიულად მოითხოვა, რესპუბლიკის მოედნის ქვეშ მდებარე ბარებში ადგილობრივი მამაკაცების არშეშვების სავარაუდო დისკრიმინაციული ფაქტები აღმოფხვრან. .
შემდეგ პრემიერმა განმარტა, რომ საზოგადოების ნაწილმა მისი ნათქვამი არასწორად გაიგო.
„რატომღაც მოხდა ინტეპრეტირება, რომ ქართველი მამაკაცები შეუშვან ღამის კლუბებში. არა მეგობრებო. ძალიან სამწუხაროა, თუ ეს ვინმემ ასე გაიგო.
მისი თქმით,აღნიშნულ კლუბებში ქართველ მამაკაცებს იმიტომ არ უშვებენ, რომ იქ ხდება ქართველი არასწულწლოვანი გოგონების ჩართვა პროსტიტუციაში.
„ეს არის ძალიან დიდი პრობლემა. მეტიც, ეს არის ჩემი როგორც ამ ქვეყნის შვილის ღირსების შეურაცხყოფა და ამიტომ არის პრობლემატური ეს საკითხი, რომ გადაწყდეს, რაც შეიძლება მალე".
მისი თქმით, ამ საკითხის გადაწყვეტა არავითარ შემთხვევაში სტიქიურად არ უნდა მოხდეს.
