დონალდ ტრამპის შესახებ მაკომპრომეტირებელი მასალის ფლობის შესახებ ბრალდებას კრემლი უარყოფს. CNN-ის ინფორმაციით, მოსკოვმა ბრალდებას სიცრუე უწოდა.
ვლადიმერ პუტინის სპიკერმა, დიმიტრი პესკოვმა განაცხადა, რომ გახმაურებული ბრალდება რუსეთ-ამერიკის ორმხრივი ურთიერთობის დაზიანებას ისახავს მიზნად.
გასულ კვირას აშშ-ის კონტრდაზვერვის სამსახურმა ბარაკ ობამასა და დონალდ ტრამპს 2-გვერდიანი სინოფსისი წარუდგინა დოკუმენტისა, რომელიც დონალდ ტრამპს ეხება და რომელიც ბრიტანელმა დაზვერვის სამსახურის ოფიციალურმა პირმა შეადგინა.
CNN-ის წყაროების თანახმად, დოკუმენტში რუსულ მხარეს ტრამპის პირადი ცხოვრებისა და ფინანსური მდგომარეობის შესახებ მაკომპრომეტირებელი ინფორმაცია აქვს.
დოკუმენტი ასევე შეიცავს ინფორმაციას, რომ აშშ-ის საარჩევნო კამპანიის დროს ტრამპის თანაშემწეებსა და რუსეთის მთავრობას შორის ინფორმაციის გაცვლა მიმდინარეობდა.
ტრამპმა ბრალდებები უარყო და მას „პოლიტიკური ნადირობა" უწოდა.