ბრიუსელში არსებობს მოლოდინი, რომ საქართველო უვიზო მიმოსვლას აპრილამდე/მაისამდე მიიღებს, უკრაინა კი - მაისამდე/ივნისამდე - ამის შესახებ ინფორმაციას „რადიო თავისუფლების" კორესპონდენტი რიკარდ იოზვიაკი Twitter-ზე ავრცელებს.
expectations in Brussels is that #Georgia will get visa free by April/May & #Ukraine by May/June.
— Rikard Jozwiak (@RikardJozwiak) January 11, 2017
ევროკავშირის მუდმივი წარმომადგენლების საბჭომ (COREPER) საქართველოს ვიზლიბერალიზაციას მხარი 20 დეკემბერს დაუჭირა.
მას შემდეგ, რაც ევროკავშირის ინსტიტუტები შეჩერების გამარტივებულ მექანიზმზე შეთანხმდნენ, ტრიალოგის შეხვედრა საქართველოს ვიზალიბერალიზაციის პროცესის სასარგებლოდ დასრულდა.
საქართველოს ვიზალიბერალიზაციას ევროკომისია (ტექნიკური ნაწილი) და ევროკავშირის საბჭო მხარს უჭერს. დარჩენილია ევროპარლამენტის პლენარული კენჭისყრა, რომლითაც საქართველოს უვიზო მიმოსვლის პოლიტიკურ დონეზე მხარდაჭერის ნაწილი დასრულდება.
