ეროვნულ-დემოკრატიული ინსტიტუტის (NDI) კვლევის მიხედვით, ქალების 55% ეთანხმება მოსაზრებას, რომ საქართველოში კაცები ხელს უშლიან ქალების ჩართვას პოლიტიკაში. რაც შეეხება კაცებს, ამ მოსაზრებას მათი 42% ეთანხმება, ხოლო 51% - არა.

შეკითხვაზე, ოჯახური ვალდებულებების გამო, საქართველოში ქალებს არ რჩებათ დრო პოლიტიკისთვის - ამ მოსაზრებას კაცების 60% ეთახმება, ხოლო ქალების - 56%.

კვლევის საველე სამუშაოები მოიცავდა 4 ნოემბრიდან  4 დეკემბრამდე პერიოდს, საქართველოს მასშტაბით (ოკუპირებული ტერიტორიების გამოკლებით), 3,141 პირისპირ ინტერვიუს წარმომადგელობითი შერჩევის საფუძველზე.

NDI-ის კვლევებს აფინანსებს შვედეთის საერთაშორისო განვითარების და თანამშრომლობის სააგენტო (Sida) და ატარებს CRRC–საქართველო. კვლევაში საშუალო ცდომილების ზღვარი არის +/- 1,8%.