გამარტივებული ელექტრონული ტენდერი, რომლის გამოცხადებისა და მასში წინადადების წარდგენის ვადა მხოლოდ 3 სამუშაო დღეა, შესაძლოა გაუქმდეს. შესაბამისი ცვლილების შეტანა „სახელმწიფო შესყიდვების შესახებ" კანონში იგეგმება და საკანონმდებლო წინადადების ავტორი საქართველოს მთავრობაა.
წინადადების თანახმად, დარჩება მხოლოდ ელექტრონული ტენდერი, რომლის გამოცხადების ვადებიც დამოკიდებული იქნება შესყიდვის ღირებულებაზე.
იცვლება სატენდერო განცხადებისა და სატენდერო დოკიმენტაციაში ცვლილებების შეტანის წესიც. კერძოდ, თუ შემსყიდველი ორგანიზაცია შეიტანს ცვლილებებს სატენდერო პირობებში, სატენდერო გამოცხადებისა და დოკუმენტაციის გაცნობის ვადა გახანგრძლივდება იმ ვადით, რაც გასულია ტენდერის გამოცხადებიდან ცვლილების განხორციელებამდე.
„პრეტენდენტს შეეძლება შემსყიდველი ორგანიზაციის ან/და სატენდერო კომისიის გადაწყვეტილების გასაჩივრება, დაირღვა კანონითა და შესაბამისი ნორმატიული აქტით დადგენილი წესები და ამავდროულად შეილახა მისი უფლებები; სახელმწიფო შესყიდვების სააგენტოში სახელმწიფო შესყიდვებთან დაკავშირებულ დავების განხილვის საბჭოში საჩივრის წარდგენისთვის დგინდება საფასური, რომელიც იქნება შესყიდვის სავარაუდო ღრებულების 2%, მაგრამ არანაკლებ 100 და არუმეტეს 500 ლარისა; კანონში ხორციელდება ასევე ტექნიკური ცვლილებები" - ნათქვამია საკანონმდებლო წინადადებაში.