თურქეთის პოლიციამ ახალ წელს სტამბოლის ღამის კლუბში მომხდარ თავდასხმაში ეჭვმიტანილი პირი დააკავა. ადგილობრივი მედიის ინფორმაციით, იგი 4 სხვა ეჭვმიტანილთან ერთად იმალებოდა. 

Reuters-ის ცნობით, ადგილობრივი მედია იუწყება, რომ სავარაუდო თავდამსხმელი ყირგიზული წარმოშობის მამაკაცსა და ეგვიპტური წარმოშობის სამ ქალთან ერთად დააკავეს სტამბოლში. 

„ომი ტერორისა და მის მიღმა არსებული ძალების წინააღმდეგ ბოლომდე გაგრძელდება" - განაცხადა პრემიერ-მინისტრის მოადგილემ, ნუმან კურტულმუსმა. 

თავდასხმაზე, რომელსაც 39 ადამიანი ემსხვერპლა, პასუხისმგებლობა „ისლამურმა სახელმწიფომ" აიღო. მათ განცხადებით, ეს იყო შურისძიება სირიაში თურქი სამხედროების მოქმედებების საპასუხოდ.