საქართველოს რეგიონული განვითარებისა და ინფრასტრუქტურის სამინისტროს ინფორმაციით, კაცხის მონასტრის სარესტავრაციოდ და  მიმდებარე ტერიტორიაზე ტურისტული ზონების მოსაწყობად 1 მილიონ ლარზე მეტია გამოყოფილი. 

კაცხის სამონასტრო კომპლექსის სარესტავრაციო-საკონსერვაციო სამუშაოები ითვალისწინებს: 

მონასტრის გარე ფასადსა და ინტერიერში დაზიანებული ადგილების აღდგენასა და, საჭიროების შემთხვევაში, დაკონსერვებას.

ძეგლის საკონსერვაციო სამუშაოების პარალელურად, სოფელ კაცხში, სამონასტრო კომპლექსის წინ ტურისტული ცენტრი შენდება. პროექტი ღია ტერასის მოწყობას ითვალისწინებს, ასევე წყაროს აღდგენა-მოპირკეთებას, ეკლესიამდე მისასვლელი გზის რეაბილიტაციას, გარე წყალმომარაგებისა და კანალიზაციის სისტემების მონტაჟს და ფერდზე, ტურისტებისთვის გადასახედი, ღია აივნის მოწყობას.  გამოყოფილია ადგილი ავტოსადგომისთვის. 

პროექტის დასრულება მიმდინარე წლის აპრილში იგეგმება. რეაბილიტაცია მსოფლიო ბანკის მხარდაჭერით, რეგიონული განვითარების პროექტის ფარგლებში მიმდინარეობს.