ზაზა ფაჩულია NBA-ის ყველა ვარსკვლავის მატჩის, All star-ის სასტარტო ხუთეულში ვერ მოხვდა. სათადარიგო მოთამაშეებს კი მწვრთნელები 26 იანვარს დაასახელებენ.
ხმის მიცემის პროცედურა 25 დეკემბრიდან 16 იანვრამდე გრძელდებოდა. all star-ში სათამაშოდ სპორტსმენებისთვის ხმის მიცემა 24 საათში ერთხელ NBA-ის ვებგვერდითა და აპლიკაციით იყო შესაძლებელი, ასევე - გუგლით, Facebook-ითა და ტვიტერით.
ხმის მიცემის ბოლო შუალედური შედეგების მიხედვით, ზაზა ფაჩულია მეორე ადგილს იკავებდა, თუმცა ეს საკმარისი არ აღმოჩნდა All star-ში სათამაშოდ, რადგან გასული წლიდან მოთამაშეების არჩევის ახლი წესი მოქმედებს. 2016 წლიდან ხმების დათვლა შედეგნაირად ნაწილდება: 50% - გულშემატკივრების, ხოლო 25-25% კალათბურთელებისა და მედიის წარმომადგენელთა ხმები.