გერმანიის პარლამენტმა მარიხუანის სამედიცინო დანიშნულებით მოხმარებას მხარი ერთხმად დაუჭირა. Deutsche Welle-ს ინფორმაციით, ინიციატივას, რომ პაციენტებმა კანაბის ადგილობრივ აფთიაქებში ყიდვა რეცეპტის საფუძველზე შეძლონ, გერმანიის მთავრობის შესაბამისი კომისარი ლობირებდა.
ექიმები მიიჩნევენ, რომ მარიხუანა სასარგებლო იქნება კიბოთი დაავადებული პაციენტებისთვის, რომელთაც ქიმიოთერაპიის შემდეგ ღებინება აწუხებთ და წონაში კლების პრობლემა აქვთ.
გერმანიაში ლეგალიზაცისთვის დიდი ხნის განმავლობაში იბრძოდნენ ოპოზიციური პარტიები, „მწვანეები" და „მემარცხენეთა პარტია".
საფრანგეთსა და კანადაში, ასევე აშშ-ის რამდენიმე შტატში, სამედიცინო მარიხუანის მოხმარება ლეგალურია.