იმერეთში მანდატურმა 15 წლის მოსწავლესთან, სავარაუდოდ, სქესობრივი კავშირი დაამყარა. „ტელეკომპანია” „მაესტროს“ ინფორმაციით მანდატური 40 წლისაა, ხოლო 15 წლის მოსწავლე აღნიშნულ სკოლაში 1 წლის წინ გადავიდა.
შსს-ს ინფორმაციით მომხდარზე გამოძიება სისხლის სამართლის კოდექსის 140-ე მუხლითაა აღძრული, რაც თექვსმეტი წლის ასაკს მიუღწეველთან სქესობრივი კავშირის ან სექსუალური ხასიათის სხვაგვარ მოქმედებას გულისხმობს.
მანდატურის სამსახურის ადმინისტრაციული სამმართველოს უფროსმა, შორენა ზედგინიძემ ტელეკომპანია „იმედთან“ განაცხადა, რომ მანდატური მათი თანამშრომელი აღარ არის. მისი თქმით, მას შემდეგ რაც დაფიქსირდა ეს ფაქტი, მანდატურის სამსახურმა თავისი მოვალეობა შეასრულა, შეატყობინა სოციალურ სააგენტოს და აღნიშნულ ფაქტზე მიმდინარეობს გამოძიება.