ხვალ რუსთაველზე მომხდარ ავარიაში მონაწილე მძღოლის დასჯის მოთხოვნით აქცია გაიმართება.
24 იანვარს, გვიან ღამით რუსთაველის გამზირზე ავტოავარიის შედეგად სოფო ბერიძე დაიღუპა, ხოლო რამდენიმე ადამიანი დაშავდა.
დღეს შინაგან საქმეთა სამინისტრომ აღნიშნულთან დაკავშირებით განცხადება გაავრცელა. მათი ინფორმაციით, 24 იანვარს რუსთაველის გამზირზე მომხდარ ავტოავარიაში მონაწილე სამივე მძღოლი ამ ეტაპზე მხოლოდ მოწმის სახით დაიკითხა. რაც შეეხება რომელიმე მათგანის ბრალეულობას, უწყებაში განმარტავენ, რომ ამას ექსპერტიზა დაადგენს.