მექსიკის პრეზიდენტსა და დონალდ ტრამპს შორის სატელეფონი საუბარი პირველად შედგა მას შემდეგ, რაც მექსიკის პრეზიდენტმა შეხვედრა გააუქმა დონალდ ტრამპთან.
დაძაბულობამ ორ ქვეყანას შორის მას შემდეგ იმატა, რაც ტრამპმა განაცხადა, რომ თუკი მექსიკა კედლის საკუთარი სახსრებით აშენებაზე უარს იტყვის, ის მექსიკის პრეზიდენტს არ შეხვდება. ამ განცხადებას მექსიკის პრეზიდენტი ენრიკე პიენა ნიტო „ტვიტერზე“ გამოეხმაურა. მისი თქმით, მექსიკა კედლის მშენებლობისთვის არ აპირებს გადახდას და შესაბამისად, გადაწყვიტა, რომ არ შეხვდება აშშ-ის პრეზიდენტს.
გავრცელებული ინფორმაციით ტრამპმა და ენრიკე პიენა ნიტომ ისაუბრეს სამომავლო ურთიერთობებზე, კონკრეტულად კი ნარკოტიკებითა და იარაღით უკანონო ვაჭრობაზე, რაზეც აუცილებლად უნდა ითანამშრომლონ. თუმცა არც ერთი მხარე არ საუბრობს აშშ-მექსიკის სასაზღვრო კედლის მშენებლობასთან დაკავშირებულ დეტალებზე. მხარეები ამბობენ, რომ ამ საკამათო საკითხზე ჯერჯერობით განცხადებებს არ გააკეთებენ.