დონალდ ტრამპმა აშშ-ის გენერალური პროკურორის მოვალეობის შემსრულებელი სალი იეთსი თანამდებობიდან მას შემდეგ გაათავისუფლა, რაც მან უარი განაცხადა ტრამპის იმიგრაციის შესახებ განკარგულების შესრულებაზე.
სალი იეთსი ამბობს, რომ არ იყო დარწმუნებული პრეზიდენტის ბრძანების კანონიერებაში. მან იუსტიციის დეპარტამენტს დაავალა, სასამართლოში არ დაეცვათ ტრამპის მიერ გამოცემული საიმიგრაციო განკარგულება.
აღნიშნული გადაწყვეტილებიდან რამდენიმე საათში თეთრმა სახლმა განცხადება გაავრცელა, რომ იეთსი გათავისუფლებული იყო თანამდებობიდან. თეთრი სახლის ინფორმაციით, სალი იეთსი ბარაკ ობამას გუნდის წევრი იყო.
აშშ-ის გენერალური პროკურორის მოვალეობის შემსრულებლად დროებით ვირჯინიის შტატის პროკურორი დანა ბოენტე დაინიშნა.
